الايام اللى فاتت دى كانت ايام صعبه اوى اوى
كان حمزه ابنى عيان اوى فجاه وبدون مقدمات قعد يرجع كتير اوى وكل ما ياكل اى حاجه يرجعها
قلنا ده ترجيع عادى خالص واديته دوا ومفيش فايده . المهم ودنا للدكتور قالنا بدايه نازله معويه
المهم الدكتور اداله بتاع 3 حقن علشان يخف ومفيش فايده
المهم الحاله تطورات من سخونيه شديده مع الترجيع وكمان اسهال رهيب
يا عينى مكنش قادر حتى يرفع راسه من التعب
وصحب ده طبعا انننا رحنا المستشفى مرتين فى يوم واحد خوفا من الحراره العاليه اللى بعدا حسينا انه تاه عن الدنيا
وده خلانا خلاص قلبنا يوقع فى رجلينا واحس احساس غريب اوى انه ممكن لاقدر الله ميقمش منها
وكمااان فجاه كده افتكرت امى ربنا يرحمها مش عارفه ليه . وخفت اوى لتكون نهايه المشوار ربنا اذنها
وفجاه كده لقيت دموعى مش عارفه تنزل ازاى ومش قادره امسك الشيطان اللى احتل دمااغى
ولكن ربنا رحيم بينا والحمد لله الدكتور طمنا واداله شويه حقن كده
وطبعا نهيك عن الزن الزياده بس الحمد لله
يا رب لك الف الف حمد وشكر
يا رب انت الرحيم ارحمنى يا رب ومتورنيش حاجه وحشه فى الناس اللى يحبهم
يا رب انا شفت صدمه عمرى فى غياب امى عنى
يا رب لو كنت مقدر لى انى اشوف حاجه اى حد فارحمنى وافرغ على صبر سيدنا ايوب
يا رب يا رحيم ارحمنى ومتورنيش حاجه وحشه فى اللى هما اغلى ناس عندى
4 comments:
سلامة حموزة الف سلامة وربنا مايسؤكيش فيهم
ربنا يخليكى يا جميل
دعواتك بقى انا بحبك تدعيلى على طول ربنا يخليكى ليه وميحرمنيش منك ابدا
ربنا يشفيهولك ويخليهولك وميصبهوش بسوء
وحشتنى يا مزاميزو ومستنيك فى الاسكندرية ووحشتنى مستنيك اوعى تتاخر
إرسال تعليق